Complete Songs Of Robert Burns - online book

Share page


	I. LOVE : PERSONAL
	My sarks they are few, but five o' them new, Twal' hundred, as white as the snaw, man; A ten-shillings hat, a Holland cravat ; There are no mony poets sae braw, man. I never had friens weel stockit in means, To leave me a hundred or twa, man ; Nae weel-tocher'd aunts, to wait on their drants, And wish them in hell for it a', man. I never was cannie for hoarding o' money, Or claughtin't together at a', man, I've little to spend and naething to lend, But deevil a shilling I awe, man.
	No. 3. Altho' my bed were in yon muir. Tune: Galla Water Scots Musical Museum, 1788, No. 125.



	Altho' my bed were in yon muir, Amang the heather, in my plaidie, Yet happy, happy would I be, Had I my dear Montgomerie's Peggy. When o'er the hill beat surly storms, And winter nights were dark and rainy, I'd seek some dell, and in my arms I'd shelter dear Montgomerie's Peggy. Were I a Baron proud and high, And horse and servants waiting ready, Then a' 'twad gie o' joy to me— The shairin't with Montgomerie's Peggy. B 2 .